Ако немате волја долго да се задржувате во кујна, овие три рецепти се она што ви треба за првите есенски денови
Њоки со пршута
Состојки:
- 1 лажица путер
- 200 г павлака за готвење
- 90 г пршута
- неколку ливчиња свежа или сушена жалфија
- помало чешне лук
- половина лажиче сенф
- сол и бибер по желба
- 500 г њоки
Приготвување:
Растопете лажиче путер на врело тавче, па додајте павлака, оставете ја да се загрее, па додајте сечкана пршута и помало чешне лук. Посолете и оставете да зоврие. Во врела, зовриена и солена вода сварете ги њоките полнети со сирење. Кога ќе се сварат, измешајте ги со приготвениот сос. Во добиениот сос додајте и бибер по желба, половина лажиче сенф и три ливчиња жалфија, искинати на поголеми парчиња. Измешајте го сето тоа и послужете.
Шпагети ала Амартикана со сланина
Состојки:
- 1 феферонка или половина лажиче лут чили-сос
- 250 г сечкана сланина
- 500 г пасирани домати
- 1 чешне лук
- маслиново масло
- 400 или 500 г тестенини/шпагети
- 80 г рендан кашкавал
Приготвување:
На малку маслиново масло динстајте кратко пропржен лук и сечкана сланина. Не смее да биде препржена или крцкава, само треба да пушти малку маснотии и веднаш додајте го пасираниот домат. Сварете ги тестенините во солена вода за да бидат ал денте, исцедете и сочувајте малку вода од варењето. Тестенините додајте ги во сосот, па во нив изрендајте кашкавал, а ако има потреба, додајте малку вода од варењето.
Тестенини во бел сос со спанаќ
Состојки:
- 400 г тестенини
- 2 лажички путер
- 2 чешниња лук
- 250 мл млеко
- 170 г сирен намаз
- 80 г рендан пармезан
- 250 г свеж спанаќ
- бибер и сол по желба
Приготвување:
Во длабоко тавче растопете путер и кратко продинстајте лук колку да омекне и да пушти арома. Во тавчето додајте млеко, сирен намаз и пармезан и мешајте додека сосот зоврие. Потоа додајте свежо мелен бибер и сол по желба, па свеж спанаќ. Гответе додека се свари спанаќот. Сварените тестенини ставете ги во сосот и оставете да се крчка уште неколку минути.