Со овој рецепт ќе добиете 1 килограм гранола, а ќе ви требаат 20 минути за да ја приготвите
Инстаграм-профилот на Ана Марија Кузмановска @anamarija.k1 е вистинска инспирација за здрави и слатки рецепти. Посетете го и пригответе нешто од нејзините предлози, а почнете од оваа домашна гранола.
Состојки:
- 300 г овесни снегулки
- 200 г јаткасти плодови (бадем, лешник, орев…)
- 100 г суво грозје
- 50 г чиа-семки
- 1 лажица какао
- 50 г кокосово масло (или друг вид масло)
- 100 г мед
- кокос и чоколадо по желба
Приготвување:
1. Загрејте ја рерната на 200 степени и исечете ги јатките на поголеми парчиња.
2. Измешајте ги медот и кокосовото масло и загревајте ги на тивок оган.
Поврзани објави
3. Ставете ги сите состојки, освен чоколадото и кокосот на хартија за печење и измешајте ги со стопените масло и мед.
4. Печете ги 15 минути и промешајте ги барем еднаш за време на печењето. Кога ќе ги извадите од рерна, пред да ги ставите во тегла, може да додадете кокос и да изрендате чоколадо.
Уживајте во слаткиот десерт!
Извор: Добра храна