Задоволете си ја желбата за слатко на квалитетен начин, кој нема да ви ги наруши резултатите
Здравите ледени коцки се практични и може да се вклопат во различни режими на исхрана, бидејќи се без шеќер, а бананата им дава природна слаткост и сочност. Најдобро е што овој рецепт се приготвува едноставно, без долго печење и не одзема време, па идеален е за деновите кога сакате нешто слатко на брзина, но со вкус на сериозен десерт.
Состојки:
За кората
- 2 јајца
- 60 г овесни снегулки
- 1 лажица какао во прав
- 60 мл бадемово млеко
- 1 лажиче прашок за печиво
- 20 г протеин од чоколадо
- дополнително млеко за кората
За филот:
- 1 протеински пудинг од ванила
- 3 лажици грчки јогурт
- 1 зрела банана
Поврзани објави
За преливот:
- 100 г црно чоколадо
- 100 мл бадемово млеко
Приготвување:
Измешајте ги состојките за кората во блендер и печете 15 минути на 200 степени. Избоцкајте ја кората со виљушка и прелејте ја со малку млеко.
Исечкајте ја бананата на кругови и наредете ја на оладената кора. Измешајте грчки јогурт и пудинг и филувајте ја кората. Оставете ја во замрзнувач 30-60 минути, па прелејте ја со прелив од чоколадо. Оставете ја да се олади и уживајте во десертот!
ФОТО: Freepik