Вкус што секогаш ќе го помните: Најкрцкавата кремпита со кори од лиснато тесто!
Десерт што освојува!
Овие кремпити се одлично крцкави, а филот се топи во уста
Потребни состојки:
- 500 грама лиснато тесто или готови кори за кремпита
- 6 јајца
- 2 кесички ванилин шеќер
- 8 лажици брашно
- 4 лажици густин
- 1 литар млеко
- 2 кутии слатка павлака
Поврзани објави
Приготвување:
- Ако не се готови корите за кремпита, тогаш развлечете одмрзнато лиснато тесто и секоја кора испечете ја во рерна.
- Изматете 6 жолчки со 10 лажици шеќер, 2 кесички ванилин шеќер, па во така изматените жолчки, додајте 8 лажици брашно и 4 лажици густин и 2,5 децилитри млеко.
- Изматете сè со миксер.
- Остатокот од млекото, ставете го на рингла да зоврие, па намалете ја температурата и додајте ја жолтата смеса од жолчки и варете го жолтиот крем додека не стане густ.
- Оставете го кремот да се излади малку, па во него додајте изматен снег од 6 белки и 10 лажици шеќер. Изматениот снег додајте во сè уште врелиот жолт крем и мешајте со лажица.
- Потоа, ставете една кора од лиснато тесто на тацна,
- Врз корите ставете крем, а врз кремот кога ќе се излади може да ставите изматена слатка павлака без да додавате шеќер. Ако не сакате изматена павлака, не мора да ја ставите.
- Врз павлаката или жолтиот крем, ставете ја другата претходно издробена кора за лиснато тесто.
- Наросете со шеќер во прав.