Вистинската баклава мора да биде крцкава и сочна истовремено
Состојки:
- ½ килограм тенки кори
- 200 грама ореви
- 100 грама бадеми
- 100 грама суво грозје
- 100 грама бисквити
- 50 грама гриз
- 100 грама посен маргарин
- 100 милилитри сок
- 3 лажици шеќер
- масло
За преливот
- 500 грама шеќер
- 2 кесички ванилин шеќер
- 1 поголем лимон
Приготвување:
Сомелете ги оревите, бисквитите и бадемите, па ставете ги во една чинија. Додајте 50 грама стопен маргарин, шеќер, суво грозје, гриз и сок, па сето тоа добро измешајте го. Во чинија со стопен маргарин додајте малку масло.
Поврзани објави
Развлечете ја првата кора на маса, па со четкица премачкајте ја со масло и маргарин, врз неа додајте ја втората кора, па и неа премачкајте ја, потоа третата и премачкајте ја, а на дното на кората ставете повеќе од филот.
Свиткајте ги рабовите и завиткајте ја кората во ролат. Повторувајте ја постапката додека не го потрошите материјалот.
Со остар нож исечете ги ролничките во мали ролати, премачкајте ги со масло и маргарин и печете ги на 200 степени Целзиусови околу 25 минути.
Во меѓувреме, додека се пече баклавата, сварете го сирупот од шеќер и 300 милилитри вода, додајте ванилин шеќер и исечен лимон на кругови. Прелејте ја врелата баклава со врелиот сирупот. Оставете ја да се излади и да ги впие соковите.
Извор: Kod bake u gostima