Вегански брауни: Сочни, меки, неодоливи!
Идеално лесен десерт што ќе го обожавате
Чоколадните брауни или едностано брауни се коцкести чоколадни колачи кои можат да бидат покрцкави или помеки. Покрај брашното и чоколадото, во смесата може да се додадат ореви, крем сирење, овошје, јајца, млеко, во зависност од тоа која варијанта е направена.
Брауни стана популарен во Соединетите Американски Држави во текот на 19 век, а наскоро, рецептот за овој десерт се прошири низ целиот свет.
View this post on Instagram
Најчесто се јадат со рака, и се служат со млеко, сладолед или попрскани со шлаг или шеќер во прав.
Денес, има многу варијации на темата, и ви претставуваме вкусна и сочна веганска варијанта.
Состојки:
140 г брашно
20 г какао во прав
200 г шеќер
80 мл растително масло
1 лажица екстракт од ванила
200 г темно чоколадо
240 мл бадемово млеко
75 г чоколадни трошки
Приготвување:
1 Загрејте ја рерната на 180 степени. Ставете хартија за печење во плехот за печење.
2 Во сад измешајте брашно, шеќер и какао во прав.
3 Додајте масло, екстракт од ванила, бадемово млеко и растопено чоколадо. Мешајте додека смесата се соедини.
4 Додајте ги чоколадните трошки и повторно промешајте.
5 Истурете ја смесата во тава и печете 25 до 30 минути, додека се формира крцкава кора.
6 Послужете со топка вегетански сладолед. Добар апетит!
Текст: Наташа Човиновска
Фото: Инстаграм