Ве носиме на гастро-патување: Пробајте го овој фантастичен виенски колач!
Слатко задоволство
Колач што ќе ви ги разбуди сите сетила
Состојки:
- 250 г пишкоти
- 1 пудинг со вкус на ванила без готвење
- 20 г ванилин шеќер
- 250 мл млеко
- 150 г шеќер во прав
- 250 г маргарин
- 4 лажици какао
- 2 лажици рум
За декорација:
- 2 лажици шеќер во прав
Приготвување:
Поврзани објави
1. Пудингот се мати со миксер, па се додаваат 200 мл ладно млеко и ванилиниот шеќер, со непрекинато матење.
2. Маргаринот се мати пенесто, па се додаваат шеќерот во прав и какаото. Потоа се поврзува со пудингот, па се миксира додека се добие изедначена смеса.
3. Тесен правоаголен калап се обложува со алуминиумска фолија, па се нанесува 1/3 од филот, колку да се прекрие дното. Потоа се распоредува еден ред пишкоти натопени во мешавина од млеко и рум. Се премачкуваат со 1/3 од филот. Потоа се нанесува вториот ред натопени пишкоти, па горе 1/3 од филот. Колачот се завршува со пишкоти натопени во млеко и рум. Се остава да се олади во фрижидер прекуноќ.
4. По ладењето, колачот внимателно се вади од калапот на тацна за послужување и се отстранува фолијата.
5. За декорација се посипува со шеќер во прав по желба.
Извор: Добра храна