Традиционални полнети погачки со џем и чоколадо: Меки топчиња што се топат во уста!
Совршенство од вкусови
Направете ја оваа магија од тесто и засладете си го утрото на најубавиот можен начин
Состојки:
- 20 г квасец
- 100 г путер
- 4 г сол
- 50 г шеќер
- 1,5 дл млеко
- 0,5 дл вода
- 500 г брашно
- малку путер за премачкување
- џем
- чоколадо (по желба)
- шеќер во прав за посипување
Приготвување:
- Измешајте ги квасецот, пола од количината шеќер, млакото млеко и водата и оставете ги на собна температура додека не нарасне квасецот.
- Измешајте ги брашното, солта и остатокот од шеќерот, па додајте едно јајце и омекнат путер.
- Додајте ја течноста со квасецот и сето тоа добро измешајте го додека не добиете тесто, па оставете го да отстои дваесеттина минути.
- Расукајте го тестото тенко, па исечкајте го на коцки од 8 до 10 сантиметри, а во средина ставете го филот.
- Замотајте го и ставете го во сад премачкан со путер, па оставете го уште 15-тина минути.
- Откако ќе отстои тестото, премачкајте го со изматени јајца за да добие убава боја.
- Печете го 180 степени Целзиусови околу 20 минути.
- Кога погачките ќе бидат готови, посипете ги со шеќер во прав.