Пробајте ја оваа бугарска баклава што ќе ве освои на прво залче
Состојки:
- 3 јајца
- 12 лажици шеќер
- 12 лажици млеко
- 12 лажици масло + уште малку за подмачкување
- 12 лажици гриз
- 12 лажици брашно
- 1 прашок за печиво
- 100 г мелени ореви
- 100 г исечкани ореви
- 100 г суво грозје
За сирупот
- 800 г шеќер
- 800 мл вода
Приготвување:
1. Пенесто изматете ги јајцата и шеќерот, па во смесата додајте ги млекото, маслото, исечканите и мелени ореви, сувото грозје и прашокот за печиво. Сите состојки добро промешајте ги, а потоа во садот ставете ги гризот и брашното.
2. Подмачкајте соодветна тепсија со масло и набрашнете ја. Сипете ја приготвената смеса во тепсијата и печете 25 минути на 200 степени Целзиусови. Оставете ја печената баклава да се олади.
Сируп:
1. Во подлабок сад сипете ги водата и шеќерот, ставете го на шпорет и почекајте да зоврие водата.
2. Намалете ја температурата и оставете сето тоа да се вари уште пет минути.
Завршна постапка:
1. Прелејте ја ладната баклава со врелиот сируп, па повторно оставете ја да се олади и да ја впие прелеаната течност.
Извор: Добра храна