Оваа торта е совршена за љубителите на слатки и овошни десерти
Состојки:
За кората:
- 6 јајца
- 1 прстофат сол
- 6 лажици шеќер
- 6 лажици брашно
- 1 кесичка ванилин шеќер
- изрендана кора од една мандарина
За филот:
- 500 мл млеко
- 2 јајца
- 6 лажици шеќер
- 3 лажици густин
- 200 г маргарин
- 1 кесичка ванилин шеќер
- 7-8 мандарини
- 2-3 лажици шеќер за карамелизирање
- малку кокос за посипување
За декорација:
- по желба можете да ја украсите тортата со 2 исечкани киви
Приготвување:
- Одвојте ги жолчките од белките, па во белките додајте прстофат сол и изматете со миксер.
- Додека ги матите белките во цврст снег, можете да додадете и една кесичка ванилин шеќер, а постепено лажица по лажица додавајте и кристален шеќер.
- Матејќи, додавајте ги и жолчките една по една.
- Потоа, додајте брашно и рендана кора од мандарини, па сето тоа внимателно измешајте го со лажица или шпатула.
- Смесата сипете ја во калап за торти или во тркалезен плех со големина од 22 сантиметри, па печете ја во претходно загреана рерна на 180 степени Целзиусови, 20-25 минути.
- Кога кората ќе се олади, извадете ја од калапот и пресечете ја на половина.
- Во две цели јајца додајте шеќер и густин, па сето тоа измешајте го.
- Потоа, со мешање постепено додавајте и половина од млекото.
- Ставете го тенџерето со филот на рингла и мешајте додека се згусне.
- Загревајте го на средна температура.
- Кога филот ќе се згусне, мешајте уште неколку минути, па тргнете го од рингла.
- Ставете кеса или фолија врз филот, па оставете го да се олади.
- За тоа време излупете ги мандарините, одвојте ги, па карамелизирајте ги во тавче, така што ќе ги посипете со две-три лажици шеќер и ќе мешате додека шеќерот се стопи и додека мандарините се карамелизираат.
- Во друга чинија изматете маргарин од собна температура со ванилин шеќер, па матејќи, во маргаринот додавајте го оладениот фил лажица по лажица.
- Изматете го кремот.
- Корите можете да ги попрскате со млеко или сок, па да ги намачкате со фил, да ги посипете со мандарини и одозгора повторно да ставите еден ред фил, а можете и мандарините едноставно да ги додадете во филот.
- Ставете ја горната кора и неа премачкајте ја со остатокот од филот.
- Одозгора можете да посипете малку кокосово брашно и да украсите по желба.
- Оставете ја тортата да се олади, па уживајте во нејзиниот вкус.