Оваа торта ќе ве освои на право залаче!
Состојки:
За кората:
- 12 белки
- 12 лажици шеќер
- 6 лажици екстра бело брашно тип 400 на „Жито лукс“
- 6 лажици гриз
За филот од ванила:
- 12 жолчки
- 2 пудинга со вкус на ванила
- 700 мл млеко
- 100 г бело чоколадо
- 250 г маргарин со вкус на слатка павлака
- 180 г шеќер во прав
- 200 г млеко во прав
- 150 г малина
За филот со бисквити:
- 400 мл слатка павлака
- 200 г мелени бисквити
Други состојки:
- 400 мл слатка павлака
Поврзани објави
Приготвување:
1. За приготвување на една кора се матат 4 белки во цврст снег, постепено додавајќи 4 лажици шеќер. Посебно се мешаат 2 лажици екстра бело брашно тип 400 на „Жито лукс“ и 2 лажици гриз, па со лажица се замешуваат во снегот.
2. Калап со размер 26 см се обложува со хартија за печење и во него се става смесата. Се пече во загреана рерна на 180°Ц, дваесетина минути. На истиот начин од преостанатиот материјал се печат уште две кори.
3. За приготвување на жолтиот фил, во тенџере се додаваат 500 мл млеко и се вари додека зоврие. Посебно се мати преостанатото млеко со жолчките и пудингот, па се додава во зовриеното млеко и понатаму се вари додека се зацврсти. Се додава белото чоколадо и се меша додека се растопи.
4. Посебно се мати омекнатиот маргарин со шеќерот и млекото во прав. Се соединува со оладениот крем од ванила и се мати со миксер.
5. За приготвување на филот со бисквити, слатката павлака се мати во шлаг и се поврзува со мелените бисквити.
6. Првата кора се враќа во калапот и се премачкува со третина од филот од ванила, преку него се распоредува третина од малините, се премачкува со третина од филот од бисквити и се нанесува третина од шлагот од слатка павлака. Истата постапка на полнење се повторува уште двапати. Се декорира по желба.
Извор: Добра храна