Торта од кокос и бело чоколадо: Бела кремаста убавица што ќе ве освои засекогаш!

Состојки:

За бисквитот:

• 275 г остро брашно
• 100 г кокосово брашно
• 200 г шеќер
• 1 кесичка ванилин шеќер (или 2 мали лажичиња екстракт од ванила)
• 170 г путер
• 5 белки
• 120 мл кисела павлака
• 240 мл кокосово млеко
• 2 лажички прашок за печиво
• половина лажиче сода за печење
• прстофат сол

За кремот:

• 5 жолчки
• 2 големи лажици шеќер
• 500 г бело чоколадо
• 250 мл слатка павлака
• торта од кокос и бело чоколадо

Додаток:

• кокос за украсување

Приготвување:

• Сите состојки за бисквитот мора да бидат на собна температура, па затоа путерот, белките и киселата павлака извадете ги од фрижидер 40-тина минути порано.
• Одвојте ги белките од жолчките.
• На страна во еден сад просејте го острото брашно со прашокот и содата бикарбона, додајте сол и кокосово брашно, па сето тоа заедно измешајте го.
• Во друг сад за матење ставете шеќер, ванилин шеќер или екстракт и путер, па матете на најсилна брзина околу 2 минути додека добиете мазна, кремаста смеса.
• Потоа, од рабовите на садот со шпатула истружете ја смесата за да дофатите сѐ со миксерот.
• Малку по малку, додавајте ги белките во смесата и по секое додавање добро изматете.
• Потоа, додајте и кисела павлака и изматете.
• Намалете ја брзината и наизменично во смесата додавајте ги сувите состојки (мешавината од брашно и кокос) и кокосовото млеко.
• Матете на помала брзина додека ги потрошите сите состојки и добиете компактна смеса.
• Подгответе два тркалезни калапа со иста големина, па премачкајте ги со малку путер и посипете ги со лебни трошки.
• Поделете ја смесата во двата калапа и печете ги 20 минути на 180 степени Целзиусови.
• Кога ќе се испечат корите, оставете ги целосно да се оладат во калапите. Потоа, можете да ги филувате.
• Почнете со приготвување на кремот. Жолчките измешајте ги со шеќер и загревајте ги на пареа 5-10 минути со постојано мешање за да не се залепи смесата за садот.
• Кога ќе ја тргнете од оган, мешајте го кремот уште малку додека влезе поладен воздух во неа и ја разлади.
• Изрендајте го белото чоколадо и ставете го во садот.
• Загрејте слатка павлака до вриење и веднаш прелејте ја врз чоколадото. Мешајте го чоколадото додека целосно се стопи и се соедини со павлаката.
• Тогаш, во смесата додајте ги и сварените жолчки, сето тоа добро измешајте го со шпатула и оставете да се олади. Покријте го садот со пластична фолија.
• Кога кремот ќе се олади (по 1-2 часа стоење), филувајте ја тортата.
• На првата кора ставете половина од кремот и рамномерно премачкајте го кон рабовите.
• Ставете ја втората кора врз кремот и само малку притиснете ја со дланките.
• Размачкајте го вториот дел од кремот преку врвот на тортата и спуштајте ја шпатулата околу рабовите до дното на тортата додека ја премачкате целата.
• На крајот, посипете кокос одозгора и ставете ја во фрижидер да се олади.

Торта со малини: Освежителен десерт што ќе ве освои со изгледот и вкусот!