Совршен десерт за две лица
Десертите на база на сезонско овошје ќе внесат радост во жешките денови. Не само што ќе ве освежат туку и ќе уживате во нивното приготвување.
Состојки: 1 помала слатка лубеница (плоча со дебелина од 2 см исечена од средината, а потоа пресечена на четвртинки во форма на триаголници, и остатокот од лубеницата исчистен од семките и исечен на коцки), ½ шолја кокосово млеко, неколку гранчиња нане
Приготвување:
Ставете ја лубеницата исечена на коцки во блендер сосе кокосовото млеко и добро изблендирајте. Префрлете во чинија и оставете да се стегне во замрзнувач во текот на ноќта.
Врз подмачкана грил-тава или скара изгрилувајте ги триаголниците лубеница додека добијат темни линии (околу 2-3 минути од секоја страна). Внимателно тргнете ги од огнот и оставете ги да се изладат.
Во чинија ставете по две парчиња лубеница, врз нив со лажица сипете од стегнатото сорбе и украсете со гранчиња нане.
Текст: Н. Човиновска
Фото: Guliver/Getty Images