Старински колач со вишни: Незаборавен вкус кој веднаш ќе ве врати во детството!
Засладете се
Рецепт за едноставен но совршен десерт
Состојки:
- 3 поголеми јајца
- 150 мл масло
- 400 мл млеко
- 1 прашок за печиво
- 200 г шеќер
- 400 г брашно
- 400 г гриз
- домашни вишни или од компот
- шеќер во прав, по желба
Приготвување:
- Загрејте ја рерната на 180 степени Целзиусови.
- Обложете плех или калап за печење со намрсена хартија или намрсете го и набрашнете го.
- Во среден сад измешајте ги сите суви состојки.
- Потоа, во друг, поголем сад, измешајте ги сите влажни состојки.
- Најпрво изматете ги јајцата, а потоа додајте ги сите преостанати влажни состојки.
- Сувите состојки внимателно додајте ги во влажните.
- Добро промешајте и соединете ги во една еднолична смеса.
- Сипете ја смесата во претходно приготвениот плех или калап за печење.
- Печете во рерна околу 5 минути
- Полека извадете ги од рерна, па на врвот посипете вишни за да не паднат на дното.
- Потоа, повторно ставете ги во рерна и печете 20-30 минути на 180 степени Целзиусови додека колачот добие златна боја. Колачот е готов кога чепкалката со која ќе го прободете ќе излезе сува.
- Украсете го десертот со шеќер во прав.