Важно е да користите свежи ливчиња, а не сушени
За да се разладите, а притоа и да ослабите, не мора да се откажете од омилениот летен десерт. Се’ што треба да направите е да приготвите домашен сладолед со волшебна состојка, која истовремено ќе ве разлади и истанчи – нането!
Ви предлагаме две највкусни варијанти кои се приготвуваат неверојатно брзо и лесно!
Сладолед од лубеница
Состојки:
- половина помала лубеница
- неколку гранчиња нане
Приготвување:
Поврзани објави
Одвојте го плодот на лубеницата од кората и исечете го на парчиња, па ставете го во блендер. Скинете ливчиња нане, додајте ги во блендер, па изматете ги додека не добиете мазна смеса. Ако е премногу густа, додајте малку вода, па прелејте ја смесата во калапи за сладолед и добро изладете ја во замрзнувач.
Егзотичен сладолед
Состојки:
- половина ананас
- 1 краставица
- 1 јаболко
- 100 грама свежи листови спанаќ
- 1 гранче свежо нане
Приготвување:
Иситнете ги сите состојки и ставете ги во блендер. Додајте малку вода ако е потребно, па прелејте ја смесата во калапи за сладолед. Ставете ја смесата во замрзнувач неколку часа.
Уживајте во слаткото освежување што ќе ви помогне да ослабите.