Ви носиме рецепт за десерт на кој нема да можете да му одолеете
Состојки:
За тестото:
- 500 г брашно (тип 500)
- 250 мл млеко
- 100 мл масло
- 2 јајца
- 1/2 коцка свеж квасец (25 г)
- 1/2 лажиче сол
- 5 лажички шеќер
За филот:
- џем по избор
За премачкување на ролатот:
- 1 жолчка
- неколку капки масло
Приготвување:
- Во 250 мл млако млеко разматете квасец и додајте лажица шеќер, па оставете го да нарасне 15-тина минути.
- Во брашното додајте го нараснатиот квасец, јајца, масло, шеќер и сол, па замесете мазно тесто. Можете да го мешате со помош на миксер.
- Соединетото тесто месете го уште малку на набрашнета подлога.
- Поделете го тестото на два дела (две топчиња), покријте го со крпа и оставете го 45 минути да нарасне.
- Расукајте ги топчињата за да бидат што е можно потенки, па целата површина на тестото обилно премачкајте ја со џем.
- Завиткајте ги и наредете ги во подмачкан плех.
- Ролатите премачкајте ги со жолчка во која сте ставиле неколку капки масло.
- Печете околу 45 минути на температура од 200 степени.
- Готовата штрудла попрскајте ја малку со вода, покријте ја и оставете ја да се олади малку.
- Ролатите посипете ги со шеќер во прав и послужете ги топли.