Иако изгледа како колач што е комплициран за приготвување, можете да го приготвите релативно брзо и лесно
Состојки:
За бисквитот:
- 4 јајца
- 100 г шеќер
- 2 лажици масло
- 2 лажици чоколадно млеко
- 5 полни лажици брашно
- 1 лажица какао во прав
- 1 лажица рендано чоколадо
- 1 прашок за печиво
За филот:
- 500 мл млеко
- 100 г шеќер
- 1 ванилин шеќер
- 1 пудинг од слатка павлака
- 1,5 лажици густин
- 100 г путер
За прелив и посипување:
Поврзани објави
- 100 г чоколадо
- 1 лажица масло
- 60 г кокос
Приготвување:
Изматете ги јајцата со шеќерот, додајте просеано брашно со прашок за печиво, какао и рендано чоколадо. Сето тоа измешајте го и префрлете го во плех обложен со хартија за печење.
Печете го 15-20 минути. Вадете парчиња од оладениот бисквит со помала кружна чаша. Потоа, сварете го пудингот и засладете го по желба, па оставете го да се олади.
Изматете го путерот со малку шеќер, па додајте го во оладениот пудинг и измешајте. Премачкувајте го секое парче бисквит со полна лажица крем и залепете го со друго празно парче.
Премачкајте со крем и однадвор, па извалајте ги капите во кокос. За преливот, стопете чоколадо, додајте масло, измешајте и прелејте ги капите. Оставете ги да се стегнат, па послужете ги.