Највкусниот десерт од тесто
Состојки:
- 150 мл млеко
- 2 јајца
- 20 г квасец
- 1 лажица шеќер
- малку сол
- малку масло
- кора од лимон
- 300-350 г брашно
За филот:
- 150 г мак
- 100 г суво грозје
Приготвување:
Во млако млеко стопете квасец, додајте шеќер, кора од лимон и малку масло. Додајте 1 јајце и една белка. Добро изматете со виљушка. Додајте брашно и добро замесете го тестото за да биде меко.
Оставете го 30 минути на топло. Расукајте го на маса и пресечете го на правоаголници. Во мелениот мак додајте суво грозје и шеќер, ако не е сладок. Додајте малку топло млеко. Вадете мак со лажица и ставајте го на тестото, па замотајте го во ролничка. Обложете тепсија со хартија за печење и наредете ги ролничките. Покријте ги да одморат 15 минути. Вклучете ја рерната на 200 степени.
Во жолчката додајте малку млеко и масло и измешајте, па премачкајте ги ролничките. Печете ги на 180 степени Целзиусови околу 35 минути. Печените ролнички покријте ги со крпа. По желба, наросете ги со шеќер во прав.