Ролат со ванила за 8 лица
Приготвениот ролат се остава на ладно најмалку 2 часа, да зацврсти филот.
Состојки:
За кората:
- 6 јајца
- 6 лажици шеќер
- 3 лажици густин
- 3 лажици брашно
- 3 лажици масло
За филот:
- 400 мл млеко
- 2 јајца
- 10 лажици шеќер
- 2 пакетчиња ванилин шеќер
- 2 лажици меко брашно
- 1 лажица густин
- 10 г желатин
За посипување:
- шеќер во прав
Приготвување:
- За приготвување на кората белките се одвојуваат од жолчките и се матат во цврст снег, постепено додавајќи шеќер.
- Се додаваат една по една жолчките и се долева масло во тенок млаз, постојано матејќи со миксер. На крајот се ставаат брашното и густинот.
- Плехот се обложува со хартија за печење и во него се излева смесата за кората. Се пече во загреана рерна на 200°С, додека порумени. Печената кора се витка во ролат.
- За приготвување на филот во тенџере се сипуваат 300 мл млеко, се додаваат 5 лажици шеќер и ванилиниот шеќер, па се вари додека зоврие.
- Посебно се мати остатокот од млекото со жолчките, брашното и густинот. Се додаваат во зовриеното млеко и се вари додека се згусне.
- Желатинот се прелева со 4 лажици вода и се меша да набабри. Се додава во врелиот крем и се меша додека се растопи.
- Белките се матат во цврст снег, постепено додавајќи го преостанатиот шеќер.
- Во топлиот фил се додава снегот од белки и се меша со маталка.
- Кората се растегнува, се премачкува со филот, па повторно се витка во ролат. Ролатот се посипува со шеќер во прав.
Фото: Getty Images