Рецепт на денот: Шумско овошје со овесна каша
Искористете ја сезоната на свежи бобинки и подгответе си сладок оброк на едноставен начин. Започнете го денот со чаша полна со витамини!
Состојки:
- 100 гр малини
- 100 гр боровинки
- 100 гр јагоди
- овесна каша
- 300 гр слатка павлака
- шеќер по вкус
- топка за сладолед (по избор)
Подготовка:
Измијте го овошјето и оставете да се исцеди. Изматете ја слатката павлака со шеќерот. Измешајте половина од овошјето и додадете го во шлагот и ставете го во фрижидер. Подгответе стаклени чаши во кои ќе редите слој снегулки, потоа слатка павлака и овошје. Можете исто така да додадете топка сладолед. Послужете разладено.