Протеински палачинки од тиква се она што сакаме да го јадеме во текот на целата есен
Здрав појадок
Со првиот пад на лисјата и промената на боите, време е целосно да се префрлиме на есенското расположение, без разлика дали станува збор за слоевита облека или храна.
Кога зборуваме за храна, есента значи само едно – сезона на тиква што буквално можеме да ја направиме за појадок, ручек и вечера. Една чаша тиква содржи 250% од дневниот внес на витамин А, витамин Ц и е одличен помошник во одржувањето на имунитетот. Иако вашата прва мисла е веројатно супа од тиква или пире, денес ви донесовме малку поинаков рецепт за да можете да ја вклучите вашата омилена храна во појадокот. Палачинки од тиква, да, звучи совршено, а исто таков е и вкусот. Покрај тоа што се богати со растителни влакна, калциум и железо, тие се богати и со протеини, па затоа се идеален оброк за почеток на денот.
Состојки:
- ½ чаши бадемово млеко
- ¼ чаши брашно од цело зрно
- ¼ чаши бадемово брашно
- ¼ чаши пире од тиква
- 1 лажичка конопно семе
- ¼ лажички зачини од пита од тиква
- ¼ лажички прашок за пециво
- Малку сол
- Малку шеќер или стевија (особено ако користите незасладено бадемово млеко)
Подготовка:
Ставете ги сите состојки во мешалка и мешајте додека не се разработи целосно. Загрејте тава на средна топлина и попрскајте ја со спреј за печење. Земете повеќе смеса за да ги направите палачинките подебели и печете додека не поруменат од двете страни. Сосови по вкус.
Прочитајте и: 5 рецепти за здрава и вкусна вода збогатена со овошје и билки
ФОТО: Unsplash