Вкусот на овие крофни нема да ве остави рамнодушни
Потребни состојки (за 20 крофнички):
- 75 грама суво грозје
- 4 лажици ракија
- 500 грама брашно
- прстофат сол
- 1 коцка свеж квасец
- 75 грама шеќер
- 250 милилитри млеко
- 75 грама путер
- 1 литар масло
- шеќер во прав за наросување
Поврзани објави
Приготвување:
- Потопете го сувото грозје во ракија и оставете го половина час за да омекне.
- Просејте го брашното во сад, измешајте го со сол, па во средина направете вдлабнатина во која ќе го ставите квасецот што претходно сте го изматиле со две лажици шеќер и 4 лажици млако млеко.
- Покријте го садот со крпа и почекајте триесетина минути додека не запени квасецот.
- За тоа време, стопете го путерот и оставете го да се излади.
- Во садот со брашно и квасец, додајте го остатокот од шеќерот и млекото, стопениот путер и сувото грозје, па замесете меко тесто.
- Во подлабоко тенџере загрејте масло.
- Проверете дали маслото е доволно врело со тоа што ќе потопите дршка од лажица во тенџерето, па ако околу неа се создадат меурчиња, може да почнете со пржење.
- Спуштајте го нараснатото тесто со лажица во врелото масло и пржете ги топчињата 4-5 минути, со тоа што постојано ќе ги вртите додека не заруменат на сите страни.
- Вадете ги пржените крофнички со лажица со дупки на кујнска крпа или салвета и оставете ги да се исцедат.
- Наросете ги со шеќер во прав и послужете ги топли.