Панакота со вишни: Лесен, ладен десерт направен од 6 состојки
Ладен и лесен десерт не е само дозволен во лето, туку и неопходен.
Љубителите на слатки сакаат да уживаат во мал десерт без жалење и вина, особено кога е жешко и ни треба нешто вкусно и освежувачко. Што е подобро тогаш од лесна панакота со сезонско овошје – вишни?
Вишните се едно од најубавите и највкусни овошја во кои уживаме во лето. Најдовме неверојатен рецепт кој е многу лесен за правење, со само 6 состојки. Забележете што ќе ви треба денес за да уживате во овој вкусен десерт.
Состојки:
- 70 мл свежо млеко, млако
- 150 гр. желе од вишни
- 300 мл. павлака со 35% маснотии
- 1 парче ванила или ванилин прав
- 200 мл јогурт
- 200 гр. свежи вишни, измиени, без стебленца и семки, исечени на половина
Подготовка:
Поврзани објави
Ставете малку загреано млеко во сад, истурете го правот од желе од вишна и добро промешајте со жица за да се раствори. Ставете на страна.
Истурете ја слатката павлака во шерпата, додадете ја ванилата и загревајте ја на умерена топлина додека не зоврие. Додадете ја смесата со желе, добро измешајте и тргнете ја од оган. Додадете јогурт и сецкани вишни и измешајте брзо. Вметнете ванила.
Покријте го издолжениот калап за торта со проѕирна фолија, истурете ја смесата и покријте ја со рабовите на фолијата. Ставете го во фрижидер најмалку 6 часа, додека панакотата не се излади добро. За да го излупите, подигнете ја панакотата од калапот со фолијата, свртете ја на чинија и извадете ја фолијата. Се сече на парчиња и се сервира.
Уживајте!
Прочитајте и: Мусаката од зеленчук и сирење е ултимативното летно јадење: Толку вкусна и лесна што цело лето ќе ја приготвувате!
ФОТО: Shutterstock