Пробајте колачиња со карамела
Состојки:
За тестото:
- 130 г екстра бело брашно тип 400 на „Жито лукс“
- 45 г какао
- 115 г путер
- 135 г шеќер
- 1 жолчка
- 2 лажици млеко
- 1 лажица екстракт од ванила
За преливот од карамела:
- 14 карамела-бонбони
- 3 лажици слатка павлака
Други состојки:
- 1 белка
- 100 г крупно мелени лешници
Приготвување:
1. За приготвување на тестото, пенесто се матат путерот и шеќерот, па се додаваат млекото, жолчката и екстрактот од ванила, па добро се меша.
2. Посебно се поврзуваат какаото и екстра белото брашно тип 400 на „Жито лукс“, се сеат и се додаваат во смесата. Се меси со рака додека се добие компактна смеса. Се витка во фолија и се остава во фрижидер да мирува 60 минути.
3. Од отстоената смеса се обликуваат помали топчиња, со тежина од 20 г. Се макаат во блага изматена белка, а пота се валаат во сечканите лешници.
4. Топчињата се редат во плех обложен со хартија за печење, а потоа секое топче се длаби во средината. Се печат во загреана рерна на 180°Ц, околу 15 минути.
5. Посебно се приготвува преливот од карамела. Во тенџерче се поврзуваат карамела-бонбоните и слатката павлака, па се загреваат на умерена температура, додека се растопат бонбоните.
6. Вдлабнувањето на печените колачиња се полни со топлиот карамела-прелив.
Извор: Добра храна