Највкусниот овошен десерт: Нема да можете да изедете само едно парче од оваа торта со малини!
Пробајте!
Сигурни сме дека ќе ја обожавате оваа торта со малини
Состојки:
За кората:
- 300 г мелен кекс
- 80 г шеќер во прав
- 80 г путер
- 150 мл млеко
За белиот фил:
- 250 г сирење маскарпоне
- 100 г милерам
- 300 мл млечна слатка павлака
- 50 г шеќер во прав
- 200 г квалитетно бело чоколадо
- 10 г желатин во гранули
За филот од малини:
- 250 г сирење маскарпоне
- 100 г милерам
- 200 мл млечна слатка павлака
- 150 г шеќер во прав
- 250 г малини
- 10 г желатин во гранули
За декорација:
- 4 лажици чоколадни трошки
- 100 г малини
Приготвување:
1. За приготвување на кората, мелениот кекс се прелева со млеко и се меша. Путерот се мати со шеќерот во прав, па се поврзува со кексот. Калап со размер од 22 см се обложува со хартија за печење и на дното се става смесата од кекс.
2. Посебно се приготвува белиот фил. Желатинот се прелева со 4 лажици вода и се остава да набабри. Одвоено се соединуваат сирењето, милерамот, шеќерот и 200 мл течна слатка павлака, па се меша.
3. Преостанатата слатка павлака се загрева до вриење, па се прелева преку белото чоколадо и се меша додека се растопи. Се остава да се олади, па се додава во белиот фил. Желатинот се растопува, па се соединува со две лажици од филот, а потоа се додава во остатокот од филот.
4. Белиот фил се распоредува преку подлогата од кекс, одозгора се ставаат малините и се остава во фрижидер да се зацврсти.
5. Посебно се приготвува филот од малини. Желатинот се прелева со 4 лажици вода и се остава да набабри. Слатката павлака се мати со шеќерот во прав во шлаг. Се додаваат сирењето и милерамот, па добро се меша.
6. Малините се миксираат и се додаваат во филот. Желатинот се растопува, па се поврзува со две лажици од филот, а потоа се додава во преостанатиот фил. Преку стегнатиот бел фил се додава филот од малини, па се враќа во фрижидер да се зацврсти. Се декорира со чоколадо и со малини.
Извор: Добра храна