Најкремастата посна торта што и децата можат да ја направат: Колку подолго стои, толку повкусна станува!
Вкусот ќе ве воодушеви!
Се прави од готови кори, па приготвувањето е многу едноставно
Состојки:
- 450 грама готови посни кори за торта
- 4 кесички пудинг од ванила
- 1 кесичка ванилин шеќер
- 1 литар бадемово млеко
- 6-7 лажици шеќер
- 100 грама посно црно чоколадо
- 100 грама маргарин
- какао во прав за декорација
Приготвување:
Ставете 800 милилитри бадемово млеко да се вари. За тоа време измешајте 6-7 лажици шеќер, 1 кесичка ванилин шеќер и 4 кесички пудинг од ванила со 200 милилитри бадемово млеко.
Кога млекото ќе зоврие, додајте пудинг и непрестајно мешајте, додека не се згусне. Кога ќе згусне, тргнете го од шпорет. Искршете 100 грама посно чоколадо во чинија и додајте половина од врелиот пудинг.
Поврзани објави
Измешајте ги пудингот и чоколадото додека не се соединат и чоколадото не се растопи. Покријте ги двата фила со проѕирна фолија и оставете ги да се изладат. Потоа, додајте им на филовите по 50 грама маргарин и сето тоа добро измешајте го.
Избодете ги корите со виљушка и испрскајте ги со обична вода (можете и со некаков сок, зашеќерена вода или бадемово млеко).
Премачкајте ја кората со половина од чоколадниот фил. Врз него ставете нова кора и премачкајте ја со половина од чистиот пудинг. Повторете ја оваа постапка уште еднаш (темен фил, па светол). Врз пудингот наросете какао како декорација (може да ставите и посен шлаг наместо какао).
Ставете ја тортата во фрижидер и оставете ја да отстои прекуноќ. Исечете ги рабовите и послужете ја по желба. Добар апетит!
Извор: CooKing.rs