Најдобриот рецепт за американски палачинки: Меки и воздушести, а успеваат од прва!
Задолжително пробајте!
Испробајте го овој рецепт за совршени американски палачинки
Американските палачинки приготвени по овој рецепт ќе бидат меки, ароматични, воздушести и превкусни. Се приготвуваат брзо и лесно, а многу се декоративни и заситуваат. Палачинките се вистинскиот избор кога сакате да се засладите.
Состојки:
- 250 г меко брашно
- половина кесичка прашок за печиво
- половина лажиче сол
- 1 голема лажица шеќер
- 1 ванилин шеќер
- 1 јајце
- 50 г стопен путер
- 250 мл млеко
Приготвување:
Во една чинија измешајте ги сите суви состојки. Во друга чинија сите преостанати состојки. Ставете јајца, додајте млеко, промешајте, додајте растопен путер и повторно промешајте. Течните состојки додајте ги во сувите и матете со миксер додека се соединат, важно е само да не ги прематите за да не спласне тестото. Покријте го готовото тесто и оставете го да отстои 15-20 минути.
Загрејте тавче, подмачкајте го со малку масло и со лажица за сладолед вадете мали палачинки. Штом се појават меурчиња на површината на палачинките, тоа е знак дека треба да ги превртите. Печете ги палачинките на средна температура и пред секоја палачинка, подмачкајте го тавчето со малку масло.
Ова тесто е малку погусто, така што морате сами да ги доведете палачинките до посакуваната форма, но затоа ќе бидат воздушести. Од оваа смеса излегуваат 12-13 палачинки, а ако изматите погусто тесто, ќе има помалку.
Коментарите се заклучени.