Најбрзата и најкремастата бисквит-торта со чоколадо: Неодоливо сочна и лесна, готова за миг!
Превкусна!
Неодолив кремаст десерт што ќе го обожава целото семејство
Состојки:
За долниот дел:
- 150 г шлаг
- 250 мл млеко
- 200 г кисела павлака
- 200 г мелени бисквити
За чоколадниот дел:
- 500 мл слатка павлака
- 250 г чоколадо
И уште:
- 1 ред кои било суви бисквити
- декорација по избор
Приготвување:
Загрејте 250 мл слатка павлака до точка на вриење, но да не зоврие, тргнете ја од оган и додајте здробено чоколадо.
Поврзани објави
Мешајте додека се соедини сето тоа како кога топите чоколадо за глазура – треба да мешате малку повеќе. Оставете го да се олади, па ставете го во фрижидер еден час.
По еден час изматете шлаг со млеко, па додајте кисела павлака, измешајте и додајте ги бисквитите.
Извадете го чоколадниот фил од фрижидер и изматете го. Посебно изматете го остатокот слатка павлака, не многу густо, па додајте го чоколадниот фил и изматете.
Слатката павлака со чоколадото може многу да се стегне, па ако е прегусто, само сипете 50 мл млеко и изматете малку, ќе се опушти и убаво ќе се соедини.
Ако имате калап, обложете го со фолија па ставете го обрачот на чинија. Првиот слој е ред бисквити потопени во млеко, па слој мелени бисквити и одозгора слој со чоколадо. Ставете го колачот во замрзнувач еден час, па извадете го обрачот или оставете го во фрижидер 3 часа, па извадете го обрачот. Ако немате калап и обрач, ставете го сето тоа во тенџере, но по обратен редослед.
Во тенџере ставете фолија, па чоколадниот дел на фолијата, па делот со мелени бисквити и на крајот слојот со суви бисквити потопени во млеко.
Чувајте го тоа во замрзнувач еден час, па превртете го на чинија и извадете ја фолијата – или оставете го 3-4 часа во фрижидер, па превртете го на чинија.
Декорирајте по желба.
Добар апетит!