Меки и сочни: Пробајте вкусни кифлички со џем и мафини со банана и топено чоколадо!
Вкусни предлози
Кој рецепт и да го одберете за десерт, нема да погрешите!
Јадењата на Давор Панчевски секогаш не’ оставаат без зборови! Пробајте ги неговите кифлички со џем, а повеќе негови рецепти можете да најдете на инстаграм-профилот @daveskitchenofficial или во неговиот готвач „Dave’s Kitchen: Најдоброто од македонската кујна“. П.С. Предноста на овој рецепт е тоа што можете да ги направите кифличките со мармалад и сечкани јатки по желба.
Состојки:
- 300 г брашно
- 230 г ладен путер исечкан на коцки
- 50 гјогурт
- 50 г шеќер
- 1 жолчка
- 1 ќесе ванилин шеќер
За филот:
- мармалад од кајсии
- 150 г сечкани лешници
За декорација:
- шеќер во прав
Приготвување:
1. Изматете ги сите состојки со помош на миксер и формирајте убаво меко тесто. Доколку тестото е премногу лепливо, додајте уште 50 г брашно.
2. Поделете го тестото на 4 дела и секој завиткајте го во хартија за свежа храна. Оставете ги во ладилник да се стегнат околу 2 часа.
3. Секој од деловите од тестото расукајте го убаво, на набрашнета површина, во тркалезна кора. Пресечете го тестото на 12 дела, премачкајте го со мармалад и наросете го со сечканите лешници.
4. Завиткајте ги деловите во форма на кифлички и наредете ги во тавче обложено со хартија за печење. Повторете ја постапката со сите делови од тестото.
5. Оставете ги во замрзнувач 10-15 минути убаво да се стегнат и печете ги во загреана рерна на 170 Целзиусови степени, 18-20 минути.
6. Украсете ги кифличките со шеќер во прав.
Добар апетит и забавно готвење!
Извор: Добра храна
Продолжете на следната страница за да видите како да приготвите мафини со банана и топено чоколадо…