Медена пита: Старински десерт што ги освојува сите генерации со вкусот и мирисот
Совршенство од вкусови!
Името го добило по медот што се става во корите, кој не преовладува, но и’ дава посебна арома
Состојки:
За кората
- 1 јајце
- 150 г шеќер
- 3 лажици млеко
- 3 лажици мед
- 60 г маст
- 450 г брашно
- 1 лажичка сода бикарбона
За кремот
- 500 мл млеко
- 5 лажици брашно
- 180 г шеќер
- 1 кесичка ванилин шеќер
- 250 г путер
За чоколаден прелив
- 150 г чоколадо за готвење (минимално со 60% какао)
- 150 мл павлака за шлаг
Приготвување на кората:
- Загрејте ја рерната на 160 степени Целзиусови.
- Во сад ставете брашно и сода бикарбона.
- Во посебен сад со миксер пенесто изматете јајца, шеќер и ванилин шеќер.
- Ставете лонец со подебело дно на средно силен оган.
- Сипете изматено јајце и шеќер, па додајте маст и мед.
- Кога сите состојки ќе се загреат за околу две минути, намалете го оганот и додајте брашно.
- Мешајте додека смесата не ви стане хомогена.
- Тоа оди брзо, употребете малку сила за да го измешате брашното во течните состојки.
- Кога тестото ќе биде соединето, тргнете го лонецот од оган, но оставете го тестото во него. Тестото ќе го сукате топло.
- Превртете наопаку плех за печење со димензии 35х22 сантиметри, па наросете го со брашно.
- Одвојте 1/3 од топлото тесто ( ќе печете три кори) и расукајте го врз превртениот плех. Полека сукајте го тестото.
- Печете го така расуканото тесто (на превртен плех- најмногу 7 минути, односно додека кората добие убава светло румена боја.
- Испечената кора ставете ја на хартија за печење да се олади.
- Повторете ја истата постапка со преостанатите две кори.
- Додека корите се ладат, пригответе го кремот, така што брашното ќе го ставите во лонец и постепено ќе додавате млеко.
- Мешајте за да не се создадат грутки.
- Кога ќе го додадете сето млеко во брашното, ставете ја смесата на средно силен оган и цело време мешајте.
- Кога смесата ќе биде готова (за неколку минути), тргнете ја од оган и оставете ја да се олади.
- Путерот што стоел на собна температура изматете го со шеќерот и ванилиниот шеќер, додека добиете кремава смеса.
- Потоа во путерот и шеќерот, додајте го оладеното млеко и брашно.
- Тргнете го на страна готовиот крем.
Приготвување на чоколадната глазура:
- Издробете го чоколадото на помали коцки.
- Загрејте ја павлаката за шлаг речиси до вриење, но внимавајте да не зоврие.
- Сипете ја павлаката во чоколадото и внимателно мешајте додека глазурата стане компактна и соединета.
- Оставете ја да се олади малку па прелејте го колачот со глазурата.
Редење:
- Во плех за печење ставете ја првата кора.
- Половина од кремот рамномерно премачкајте го врз долната кора.
- На неа ставете ја втората кора, па внимателно притиснете за да се соедини сето тоа.
- Премачкајте ја со втората половина од кремот.
- Ставете ја последната трета кора и неа притиснете ја со рацете.
- Последната кора прелејте ја со глазурата.
- Оладете го колачот и оставете го да отстои прекуноќ, а потоа исечете го.