Стар десерт што се приготвува брзо и лесно, а вкусот е совршен
Состојки:
- 2 јајца
- 140 г мазно брашно
- 100 г шеќер
- 1 ванилин шеќер
- 1 прашок за печиво
- 2 лажици какао
- 100 мл масло
- 120 мл млеко
За кремот од кафе:
- 1 л млеко
- 2 кесички пудинг од ванила
- 6 лажици густин (околу 70 г)
- 150 г шеќер
- 2-3 лажици инстант-кафе (во гранули)
- 1 ванилин шеќер
- 50 г путер
За чоколадната-јаткаста глазура:
Поврзани објави
- 300 мл млеко
- 5 лажици шеќер
- 3 лажици какао
- 4 лажици густин
- 60-70 г мелени ореви
- 1 лажица путер
Приготвување:
Во сад матете јајца со шеќер и ванилин шеќер додека добиете светла и пенеста смеса. Додајте млеко и масло, па внимателно додајте брашно, какао и прашок за печиво. Префрлете ја смесата во плех обложен со хартија за печење и печете 20-25 минути на 180 степени. Оставете ја печената кора потполно да се олади.
За кремот, одвојте околу 200 мл млеко и во та количина разматете пудинг и густин. Остатокот од млекото ставете го на шпорет, додајте шеќер, ванилин шеќер и инстант-кафе, па загревајте до вриење. Кога ќе зоврие, додајте ја смесата со пудингот и варете со постојано мешање додека добиете густ, мазен крем. На крај, додајте го путерот.
Пригответе ја глазурата така што во тенџере на тивок оган ќе измешате млеко, шеќер, какао и густин и ќе ги загревате додека добиете сјајна, густа смеса. Потоа, тргнете ја од оган, додајте мелени ореви и путер, па сето тоа добро измешајте го.
На оладената кора распоредете го топлиот крем од кафе и израмнете. Потоа, преку кремот, премачкајте чоколадно-јаткаста глазура. Оставете го колачот неколку часа во фрижидер убаво да се стегне, па пресечете го на коцки и послужете го.