Постапката за приготвување на овој десерт е малку необична, но не дозволувајте тоа да ве обесхрабри
Состојки:
- 150 грама брашно
- 150 грама гриз
- 1 прашок за печиво
- 100 грама шеќер
За филот
- 600 грама рендани јаболка
- малку цимет
- 100 грама суво грозје
- 100 грама шеќер
Дополнителни состојки:
- 1 коцка путер
- 50 грама чоколадо
Приготвување:
Добро измешајте ги сувите состојки и просејте ги за да се распореди прашокот за печиво. Премачкајте тепсија со путер, па дното покријте го со сувата смеса, а врз неа во тенок слој распоредете рендани јаболка измешани со суво грозје и цимет. Потоа, повторно нанесете сува смеса, па одозгора рендано чоколадо и така се’ додека не го потрошите материјалот.
Завршете со потенок слој брашно, притиснете со раце, па на брашното наредете путер и наросете сечкани ореви. Печете на 200 степени Целзиусови околу 45 минути.