Јапонскиот чизкејк од само 3 состојки е вистинско чудо: Воздушест и мек десерт што ќе го обожавате! (ВИДЕО)
Совршенство од вкусови
Чизкејк е омилениот десерт на многу луѓе ширум светот, а ние ви предлагаме уште една негова интересна верзија
Чизкејк е десерт што го обожаваат милиони, но не е лесно да се приготви и неговата подготовка бара многу време. Меѓутоа, постои јапонска верзија што се приготвува од само три состојки и минимално вложување труд и време.
Состојки:
- 3 јајца
- 120 г чоколадо
- 120 г крем-сирење
Приготвување:
Загрејте ја рерната на 170 степени. Стопете го чоколадото на пареа и додајте крем-сирење, па промешајте. Потоа, тргнете ја смесата од пареа и додајте три жолчки.
Белките изматете ги во цврст снег, па една третина од нив додајте во смесата од чоколадо и сирење. Внимателно и нежно промешајте, па повторно додајте една третина и повторете. Истото направете го и со остатокот од белките.
Калап за печење торта обложете го со хартија за печење и сипете ја смесата во него. Потчукнете го калапот од масата неколку пати за да ги избиете меурчињата воздух од смесата, а потоа ставете го во длабок плех за печење во кој сте сипале топла вода.
Печете ја на 170 степени околу 15 минути, а потоа намалете ја температурата на 160 степени и печете уште 15 минути.
Кога колачот ќе биде готов, исклучете ја рерната, но оставете го колачот внатре уште 15 минути.
Потоа извадете го, оставете го да се олади и послужете го!
Погледнете ја подготовката: