Јадење што го обожававме во 1980-те години: Совршен десерт за сите генерации!

Станува збор за сутлијашот. Тоа е десерт што им се дава на децата без грижа на совест. Десерт што со задоволство го јадевме во градинка, а ќе го обожаваме до крајот на животот.

Состојки:

• 1 л млеко
• 6 лажици шеќер
• 8 лажици ориз
• 1 ванилин шеќер
• 1/2 лажиче цимет

Приготвување:

Ставете го оризот во зовриена вода (онолку вода колку да го покрие оризот) и варете го на силен оган околу десет минути за да испари водата. Внимателно исцедете го вишокот вода. Во зовриено млеко додајте шеќер и ванилин шеќер, па промешајте. Потоа, додајте го оризот и варете го мешајќи, околу 10 минути. Кога ќе се олади, послужете го во чинии. По желба, додајте цимет или црно чоколадо.

Десерт од нашето детство: Кремаст, млечен и божествен сутлијаш!