Ерменски полнети топчиња: Брзи посни колачиња на кои нема да можете да им одолеете!
Слатки бомбици
Одличен десерт што заслужува место на вашата свечена трпеза
Состојки:
- 1 шолја вода
- 1 шолја масло
- прстофат сол
- 1 лажичка прашок за печиво
- 3 шолји брашно
- шеќер во прав за валање
За филот:
- Ореви
- локум
- малку цимет
Приготвување:
Сипете масло и вода во тенџере. Нека провријат, па тргнете ги од оган.
Додајте прашок за печиво и сол, промешајте и додајте брашно. Мешајте брзо, додека тестото не престане да се лепи за тенџерето.
Кога ќе се излади, направете мали топчиња, така што во секое ќе ставите орев и парче локум, претходно извалани во цимет.
Обложете ја тепсијата со хартија за печење и наредете ги колачињата. Печете ги околу 25 минути на 180 степени или додека не добијат златеникава боја. Штом ги извадите од рерна, извалајте ги во шеќер во прав.
Добар апетит!