Ви носиме рецепт за тесто што ќе го развесели целото семејство
Состојки:
- 1 кг брашно (меко, тип 400)
- 600 мл млеко
- 1 пакување квасец (50 г)
- 3 рамни лажици маст (или масло)
- 4 рамни лажици шеќер
- 1 лажиче сол
- 2 лажички шеќер за квасецот
- 2 жолчки
Поврзани објави
Приготвување:
- Во млако млеко (600 мл) здробете го квасецот, ставете 2 лажички шеќер и оставете го да нарасне.
- За тоа време, во поголем сад изматете 2 жолчки, додајте маст или масло, шеќер, сол и на крајот додајте го нараснатиот квасец.
- Сето тоа измешајте го, па постепено додавајте брашно и матете.
- Замесете средно меко тесто (важно е да не се лепи за раце и за работната површина)
- Потоа, замесеното тесто оставете го да одмори 20-30 минути.
- По 30-тина минути, повторно премесете го тестото малку без да додавате брашно и расукајте го на дебелина помала од 1 см (7-8 мм)
- Со чаша вадете крофни, па оставете ги да отстојат од секоја страна по 5 минути. За тоа време, загрејте масло на умерена температура.
- Пред да ги пржите крофните, расукајте ги уште малку со сукало и оставете ги да отстојат малку.
- Кога ќе ги ставате крофните во маслото, важно е она страна што била на масата сега да биде нагоре.
- Готовите крофни извалајте ги во шеќер во прав и послужете ги топли.