Вистински рецепт за љубителите на полниот вкус на чоколадо.
Потребно е: 400 г чоколадо за готвење, 215 г путер, 100 г жолт шеќер, 200 г брашно тип 400, 3 дл неутрална павлака, 7 јајца, 200 г печени бадеми
Приготвување: чоколадото, путерот и жолтиот шеќер се топат на пареа. Добро се матат со жица или со миксер, а потоа се остава смесата да се излади. Во друго тенџере, исто така на пареа, се варат неутралната павлака, јајцата, брашното и печените бадеми (мелени). Добро се мати и се остава во фрижидер.
Кога и двете смеси ќе се изладат, се соединуваат во една смеса и малку се промешува (3-4 мин.) во правец на стрелките на часовникот. Повторно се враќа во фрижидер, а потоа се истура во калапи или во керамички садови за суфле.
Најдобро е суфлето да се пече седум-осум минути на 190 степени. Тоа е сосема доволно да се создаде фина коричка, а средината да остане мека. Ако се пече подолго, суфлето се претвора во мафин. Суфлето се сервира со топка сладолед од ванила.
Текст: Н. Човиновска
Фото: Getty Images