Пригответе го овој летен десерт, оладете го, па засладете се
Состојки:
- 4 јајца
- 170 г брашно
- 2 лажици какао
- 120 г путер
- 1 чоколадо
- 1 прашок за печиво
- 200 г кисела павлака
- 100 г шеќер
- 50 мл врела вода за какао
- 200 мл слатка павлака
Приготвување:
Изматете јајца, додајте просеано брашно со прашок за печиво и омекнат путер. Во какаото додајте врела вода и добро измешајте, па додајте го тестото. Ставете кисела павлака и сето тоа полека измешајте го. Подмачкајте плех со димензии 30х20 и посипете го со брашно.
Истресете го тестото, израмнете го и протресете го. Печете на 190 степени Целзиусови околу 40 минути. Добро оладете го колачот. Изматете слатка павлака, па ставете ја врз колачот и прелејте ја со стопено чоколадо. Оставете го во фрижидер 2 часа да се стегне и да се олади.