Чајни колачиња полнети со пудинг од јагода
Наташа Ничовска од Скопје ни го испрати овој рецепт
Овие вкусни колачиња многу освежуваат, не се многу слатки, а јагодите ги прават сочни. Идеален рецепт за топлите летни денови, бидејќи не бара печење и не мора да ја вклучувате рерната.
Потребни состојки:
700 г чајни колачиња, 1 л млеко, 5 лажици шеќер, 2 пудинга од јагода, половина коцка путер, 500 г свежи јагоди, 100 г кокосово брашно
Приготвување:
На оган се ставаат 500 мл млеко со 5 лажици шеќер и половина коцка путер. Откако ќе се растопи шеќерот, се додава пудингот од јагода, претходно разматен во ладно млеко.
Откако ќе се свари пудингот во густ крем, тенџерето се трга настрана и во пудингот се додаваат сечкани јагоди.
Остатокот од млекото малку се загрева на оган, па се трга и во него се потопуваат чајните колачиња.
Колачињата се лепат едно со друго, а меѓу нив се става лачиже од пудингот од јагода. Потоа се валаат во кокос и се декорираат со свежи сечкани јагоди.
Рецепт на Наташа Ничовска
Текст и фото: ПР