Колачот од пудинг може да се направи на различни начини, зависно од тоа што во моментот го имате во кујната. Можете да додадете бисквити, овошје, трошки од чоколада, желе бонбони и слично.
Состојки:
- 300 грама бисквити
- 700 милилитри млеко
- 5 лажици шеќер
- 2 кесички ванилин шеќер
- 2 пудинзи со вкус по желба
- 100 грама путер
- 200 милилитри слатка павлака или кесичка шлаг крем
Приготвување:
Одвојте 100 мл од вкупната количина млеко и измешајте го пудингот во него. Остатокот од млекото измешајте го со шеќерот и ванилинскиот шеќер и оставете го да зоврие на умерена температура. Штом млекото зоврие, додајте го пудингот и варете го, мешајќи постојано, сè додека не се згусне.
За да ги избегнете грутките, истурете го пудингот постепено, а додека го правите тоа со другата рака постојано мешајте ја мешавината, така што млекото и пудингот добро се соединат. Гответе додека пудингот не е кремаст и густ.
Поврзани објави
Прочитајте и: 3 предлога за најздрав појадок: Го зајакнуваат телото, го забрзуваат метаболизмот, даваат енергија за цел ден!
Оставете го пудингот да се излади, а за да го забрзате ладењето тавата со пудинг ставете ја во поширока тава со вода со мраз. Промешајте го пудингот и изладете го многу побрзо. Друг начин е да го покриете со проѕирна фолија и да оставите постепено да се олади на собна температура.
Во добро оладениот пудинг додадете путер (како замена може и маргарин) и измешајте така што филот е кремаст.
Во соодветна тава или калап, наредете ги бисквитите и истурете го пудингот над нив. Слатката павлака или шлагот изматете ги и украсете ја тортата по желба. Оставете додатно да се олади во фрижидер и сервирајте.
Предлог за главно јадење: Похувано пилешко со сос од лимон
ФОТО: Getty Images