Лесен рецепт за вкусен колач со џем.
Состојки (мерка на чаша од 200 мл):
- 4 јајца
- 1 чаша шеќер
- 1,5 чаша брашно
- 1 чаша сончогледово масло
- 1 чаша џем по избор
- 1 чаша јогурт (или млеко ако немате јогурт при рака)
- 1 прашок за пециво
- 1 ванилин-шеќер
Приготвување:
Одделете ги белките и жолчките и измешајте ги жолчките со шеќерот и ванилин-шеќер. Додадете масло и јогурт, а потоа по неколку минути мешање и брашното заедно со прашокот за пециво, и на крај џемот. Белките од јајца изматете ги па додадете ги во смесата, нежно измешајте. Ставете ја мешавината во тава за печење со средна големина, обложена со хартија за печење и испечете ја во рерна на 180ºC за 20 до 25 минути.
Колачот е готов кога неговите рабови почнуваат нежно да се одвојуваат од ѕидовите (хартијата) и кога има златна површина. На топлиот колач ставете шеќер во прав.
Прочитајте и: Кајгана со мелено месо
ФОТО: Pixabay