Брза, непечена зебра-торта: Целата е од крем, има атрактивен изглед и неодолив вкус!

Совршен десерт

Се приготвува брзо и едноставно, сите ќе ви бараат рецепт

Кога надвор е топло како овој период, не морате да ја вклучувате рерната повеќе од потребното, туку треба да се потпрете на едноставни, брзи а вкусни рецепти.

Токму таков е овој рецепт!

Брзата, непечена зебра-торта е токму она што ви треба летово. Совршено кремаста и со неодолив вкус, таа е феноменален избор за секој ден, а поради атрактивниот изглед, одлична е и за посвечени пригоди.

Состојки:
  • 180 г чоколадни бисквити
  • 70 г путер
  • 1 лажица млеко
  • 30 г желатин
  • 150 мл млеко
  • 400 г павлака
  • 300 г кондензирано млеко
  • 200 мл течен шлаг или слатка павлака
  • 1 кесичка ванилин шеќер
  • 30 г какао во прав
Приготвување:

Растворете го желатинот според упатството, додајте 150 мл млеко и оставете го да отстои малку.

Бисквитите сомелете ги во блендер, па додајте 70 г стопен путер и 1 лажица млеко. Иземашјте. Ставете ја смесата во обрач и направете кора. Ставете ја во фрижидер 10 минути.

Изматете 400 г павлака и кондензирано млеко. Посебно изматете 200 г слатка павлака или течен шлаг. Во желатинот додајте неколку лажици крем од кондензирано млеко, па сето тоа соединете го. Додајте го и изматениот шлаг.

Филот поделете го на два дела, па во едниот додајте ванилин шеќер, а во другиот какао. Нанесете неколку лажици црн фил на кората, па сипете неколку лажици бел крем на средината и така повторувајте наизменично додека го потрошите материјалот.

Ставете ја тортата да се лади, па отстранете го обрачот и послужете!

Зебра-палачинки чиј изглед, а и вкус, ќе ве воодушеви!
Прочитајте и
Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време