Брауни со банани и путер од кикирики: Со причина ги викаат колачиња од рајот!
Не смеете да ги пропуштите!
Ако сте помислиле дека познатите чоколадни коцки не може да бидат посовршени, сте се излажале
Брауните уште ги викаат и колачиња од рајот, меки се, сочни, полни со чоколадо… А колку совршени може да бидат ако им додадеме и банани и путер и кикирики, ќе ви откриеме во овој фантастичен рецепт кој ќе ги разбуди сите ваши сетила. Покрај тоа што е многу вкусен, овој колач е многу едноставен за приготвување…
Состојки:
- 2 банани
- 200 г шеќер
- 150 г путер + една супена лажица
- 1 кафена лажичка екстракт од ванила
- 100 г брашно
- 120 г путер од кикирики
- 40 г какао во прав + 1 супена лажица
- прстофат сол
Поврзани објави
Приготвување:
- Загрејте ја рерната на 180 степени Целзиусови.
- Во поголема чинија ставете две банани и изгмечете ги со виљушка, додајте шеќер, претходно стопен путер и екстракт од ванила, и сето тоа измешајте го рачно (не користете миксер).
- Додајте брашно, сол и какао во прав, а потоа повторно промешајте додека смесата се соедини целосно.
- Искористете супена лажица путер за да го подмачкате плехот.
- Со лажица какао во прав, посипете ја цела површина на плехот.
- Префрлете ја приготвената смеса во плехот.
- Во смесата рамномерно распоредете путер од кикирики, а со виљушка развлечете го рамномерно путерот низ смесата.
- Печете на 180 степени, 25-30 минути.
- Оставете ги брауните целосно да се оладат пред да ги сечете.
Уживајте во овој совршен десерт!
Сигурно ќе ви се допаднат и овие брзи колачиња со чоколадо и малини.