Ако не можете да му оделеете на слаткото, одберете домашно!
Состојки:
За полнење:
- 1 л млеко
- 1 пудинг со вкус на слатка павлака
- 60 г густин
- 8 полни лажици шеќер
- 2 ванили
- 100 г кокос
- 10 г желатин во гранули
- 200 мл слатка павлака
За корите:
- 6 белки
- 180 г шеќер
- 30 г екстра бело брашно
- 30 г густин
- 30 г какао
- 3 лажичиња прашок за печиво
- 3 лажици масло
- 3 лажици млеко
- 3 лажици рум
За премачкување на корите:
- 150 мл слатка павлака
- 100 г чоколадо
- За декорација:
- 300 мл слатка павлака
Приготвување:
Полнежот:
1. Во 100 мл млеко се мати желатинот и се остава да набабри.
2. Посебно во 200 мл се матат пудингот и густинот. Остатокот од млекото се сипува во тенџере, се додава шеќерот и се вари додека зоврие. Се додава изматената смеса со пудингот и се продолжува да се вари додека се згусне.
3. Во сварениот полнеж се ставаат кокосот и желатинот. Слатката павлака се мати во цврст шлаг и се додава оладениот полнеж.
Корите:
1. Се матат 2 белки во цврста пена, со постепено додавање 60 г шеќер.
2. Во снегот од белките се додава по една лажица млеко, масло и рум, со непрекинато матење со миксер.
3. Посебно се соединуваат 10 г какао, густинот и екстра белото брашно со 1 лажица прашок за печиво, па со црпалка се става во смесата од белки.
4. Тркалезен калап со размер 24 см се обложува со хартија за печење и во него се сипува смесата за кората. Се пече во загреана рерна на 180°С, околу 15 минути. На истиот начин од преостанатиот материјал се печат уште две кори.
5. Слатката павлака се загрева до точка на вриење и се прелева преку искршеното чоколадо, па се меша додека се растопи. Со преливот се премачкуваат корите и се чека да се зацврсти глазурата.
Финална постапка:
1. Првата кора се враќа во калапот и се премачкува со третина од полнежот. Се нанесува втората кора и по неа се распоредува другата третина од полнежот. Се преклопува со третата кора и се премачкува со остатокот од полнежот.
2. Откако тортата ќе се зацврсти, се премачкува со шлагот од слатка павлака.
Извор: Добра храна
Пробајте ја и оваа торта со грешка од 4 состојки која е еден од најпопуларните десерти во Италија веќе 100 години!