Без шеќер и јајца: Сладолед од „карамела”
Без грижа на совест и полн со Б-витамини, овој сладолед ќе ве освежи и ќе ве наполни со енергија.
Состојки:
- 4 замрзнати банани (излупете ги и исецкајте ги на парчиња, замрзнете преку ноќ)
- 2 суви урми
- 1 лажичка екстракт од ванила
- 1 лажичка путер од бадем
- 60 мл бадемово млеко
- 2 лажици какао
- 2 лажици јаворов сируп
Подготовка:
Направете сос од какао – добро измешајте какао во прав и јаворов сируп и тргнете ги на страна. Измешајте ги сите други состојки во блендер (околу 20 секунди). Потоа запрете го блендерот и соберете ги состојките по работ и повторно вклучете го.
Поврзани објави
Повторете го процесот додека не добиете мазна и кремаста смеса. Доколку сакате, добиената мешавина кратко ставете ја во замрзнувачот за да ја направите малку поцврста.
Откако ќе заврши, истурете ја смесата за сладолед преку сос од какао и додадете малку путер од бадем за гарнир. По желба, украсете со кокосови снегулки, бобинки или други намирници.
Предлог за главно јадење: Мусака без месо: Летно јадење, лесно и вкусно!
ФОТО: Pexels