Ангелски десерт: Овошна пита со пуслици и пченкарно брашно што ќе ве освои засекогаш!
Вкус што не се заборава
Мора да го пробате овој десерт по рецепт на британскиот готвач Лиам Чарлс, бидејќи гарантира незаборавен вкус и уживање за сите сетила
Потребни состојки:
За кората
- 260 грама брашно
- 130 грама ладен путер исечкан на мали парчиња
- кора од 2 лимона
- 2 лажици мелен ѓумбир
- 1 жолчка
- 2 лажици шеќер
За филот
- сок и кора од три грејпфрута
- сок и кора од два лимона
- 100 грама пченкарно брашно
- 4 жолчки
- 200 грама шеќер во прав
- 100 грама несолен путер
За крцкавиот врв на питата ви требаат 4 белки и 200 грама шеќер во прав.
Приготвување на корите:
- Измешајте ги сите состојки за кората, заедно со две лажици ладна вода.
- Кога ќе го замесите тестото, згмечете го во топче, замотајте го во проѕирна фолија и оставете го во фрижидер 30 минути.
- Во меѓувреме, загрејте ја рерната на 200 степени Целзиусови, а откако ќе го извадите тестото од фрижидер, развлечете на дебелина од околу 3 милиметри.
- Притиснете го тестото во калап со пречник од 20 до 22 сантиметри, обложен со масна хартија за печење, така што тестото ќе преминува околу 1 сантиметар преку калапот.
- Печете ја кората дваесеттина минути, а по печењето, исечкајте го остатокот од кората до работ на калапот.
Приготвување на филот:
- Загрејте ги сокот и кората од лимон и грејпфрут во тавче неколку минути.
- Во друг сад, изматете пченкарно брашно, жолчка и шеќер додека не добиете соединета смеса.
- Потоа, исцедете ги и соковите од цитрусот во смесата, па повторно измешајте.
- Ставете ја смесата на умерена температура и мешајте додека не се згусне.
- На крај, додајте и путер и мешајте додека не се стопи.
- Премачкајте го филот врз корите за питата и оставете го да се зацврсти околу два часа.
На врвот од питата ставете кора од белки или пуслици.
- Изматете ги белките со шеќер додека не добиете цврста смеса.
- Внимателно премачкајте го колачот и повторно печете триесеттина минути.
- Послужете го по желба, може и топол, а може и ладен.