ЧУДЕСНИ ВКУСОВИ: Празничниот број на магазинот „Добра храна“ е во продажба!

Во зимскиот период секогаш се чувствува некаква магија во воздухот. Тоа е така делумно поради празничната атмосфера, но делумно и поради желбата за промени, будењето нова енергија и вербата во чуда. Чудата се насекаде околу нас, па и на трпезата! Мора да признаете дека специјалитетите, карактеристични за овие месеци од годината, навистина се чудесни, и по изгледот и по вкусот.

Следејќи го тоа расположение, нашите страници во овој број изобилуваат со декоративни солени деликатеси, со предлози како да ја „облечете“ кујната во празнично руво, како и со трикови за приготвување на највкусните крофни, торти и кошнички.

Секако, и нашите гастро-мајстори ја збогатија содржината со нивните фантастични деликатеси, исто така, во празничен дух.

ГАСТРО-МАЈСТОРИ

Претходно 1 од 6 Следно

Лисната елка - ремек-дело на Кристина Колевски (@solenoblagiprikazni)

Празничен венец - вкусна идеја на Тања Ѓореска (@tanjas.kitchen)

Ролат од свинско филе - вкусен рецепт на Христина Чешлароска (@deliciousbite_bycheshlaroska)

Новогодишни колачиња - Катерина Јанкуловски (@katerina_foodforfoodies_) им ги подари овие прекрасни колачиња на дечињата од домот за деца без родители „11 Октомври“

Ролат со фил од костени - фантастичен десерт на Валентина Пргомет (@homemadefoodcorner)

Безглутенски колачиња со путер од кикиритки - здрави и вкусни колачиња на Теодора Павловска (@myglutenfreecorner)

Додека уживате во свечената еуфорија и во богатата гозба, сепак, не заборавајте да бидете умерени во храната. Не е страшно ако качите понекој килограм за време на празниците – знаеме колку е тешко да им се одолее на сите тие превкусни јадења – меѓутоа не прејадувајте се. Јадете сè, но умерено, и ќе влезете во новата година сити и вити!

Ваша Марија Лукаревска