Вака правилно се слави Архангеловден: Празник што ги лечи болните, а ги казнува грешниците!

Голем празник

Според народното верување, архангел Михаил доаѓа и ги зема човечките души кога ќе им дојде време

Православната и црква и нејзините верници на 21 ноември ја прославуваат една од најголемите христијански слави – Архангеловден.

Архангел Михаил е водич на небесната војска кој секогаш се појавувал на местата каде што се појавувала и Богородица, така што претставува небесна сила и заштита на земјата.

Според црковните преданија, ангелот Михаил прв влегол во борба со злиот дух и неговото име, според црковното толкување, значи „оној што е како бог“. На грчки јазик, зборот „архе“ значи главен, прв, а „ангелос“ значи гласник, ангел.

Првиот меѓу архангелите, архангел Михаил, на иконите се претставува како борец-војвода, со меч или копје во раката, а според народното верување, тој доаѓа и ги зема човечките души, кога ќе им дојде време.

На иконите понекогаш е претставен како тој го победил Луцифер, го оковал на вериги и му ја ставил ногата на вратот. Тој се смета за чувар на православната вера и борец против ересот.

Постојат многу народни верувања за овој ангел. Се вели дека тој ги посетува сите болни и ако застане кај нивните нозе – не е добро, а ако застане кај главата – болниот ќе оздрави.

Се слави наесен, а според народното верување тоа е така затоа што кога им се делеле улогите на светците, архангел Михаил го добил есенското и зимското време – времето на зимата и зимските тешкотии. Се вели дека во овој период, архангелот талка низ светот облечен како просјак за да ги прекори неверниците и да им помогне на страдалниците.

Според едно народно верување, се вели дека според временските услови на овој ден, може да се одреди каква ќе биде годината. Какво ќе биде времето на Архангеловден, така ќе биде во текот на цела зима и пролет!

На некои места, овој ангел се слави и како заштитник на сточарите, бидејќи се верува дека само тој може да ги избрка волците.

Постои верување и обичај кај многу христијани што го слават свети Михаил да не приготвуваат жито, бидејќи го сметаат за жив светец, што е неоправдано и неточно. Неопходно е да се приготви жито за слава, бидејќи сите светци и сите починати се живи пред бог. Житото за слава не се принесува за светецот, туку за нашите покојни предци.

Дали Архангеловден ќе биде прославен со посна или мрсна трпеза, зависи од тоа на кој ден ќе се падне. Ако се падне во среда или петок, тогаш треба да биде посна, а житото е задолжително. Оваа година се паѓа во четврток, така што трпезата може да биде мрсна.

loading...
Прочитајте и

Оставете одговор

Вашата мејл-адреса нема да биде прикажана.

Ви благодариме за коментарот!

This site uses Akismet to reduce spam. Learn how your comment data is processed.

Сакаш посебен третман?
Зачлени се во елитниот клуб. Регистрирај ја својата е-адреса и добивај специјални понуди и вести
Одјава е можна во секое време