Успех не е никогаш да не паднеш, туку секогаш да знаеш да станеш: 9 животни лекции од моќниот Конфучие

Филозофијата на големиот кинески мудрец се заснова на прашања поврзани со моралот, личниот и општествениот. Конфучие бил роден 551 година пред новата ера. Ги учел луѓето на правда, искреност, еднаквост и општествени норми.

Прочитајте ги мудрите животни лекции на големиот мудрец – може да се применат и денес…

Чекорете само напред

Без разлика колку бавно чекорите, продолжете. Секој чекор е важен додека не запрете целосно. Ако продолжите по вистинскиот пат, без оглед на брзината, на крајот ќе стигнете до посакуваната дестинација. За да ја завршите оваа тешка работа, мора да бидете упорни. Личноста која успева е онаа што и покрај околностите се движи кон својата цел.

Никогаш не се спријателувајте со луѓе кои не се подобри од вас

Вашите пријатели се огледало на вашата иднина, бидејќи се движите заедно со нив, во ист правец. Затоа, опкружете се со луѓе што имаат оган во срцето.

За се’ што е добро, треба да работите и да се трудите

Лесно е да се мрази, но многу потешко е да се сака. Многу работи се засноваат на ова. Се’ што е добро, многу е тешко да се постигне, додека многу полесно е да се добие нешто лошо. Љубовта, прошката и великодушноста изискуваат големо срце, голем ум и многу труд.

Вежбањето е клучот за успехот

Животниот пат зависи од трудољубивоста и посветеноста. Мајсторот што сака да ја усоврши својата работа мора прво да го подготви својот алат. Успехот зависи од претходната подготовка, а без таквата подготовка, неуспехот е неизбежен. Што и да правите во животот, ако сакате да успеете, прво мора да се подготвите. Дури и најмалата вежба може да го забрза патот до успехот.

Грешките се составен дел од патот до успехот

Грешките не се никаков злочин. Не дозволувајте да ви го расипат денот. Не дозволувајте да ги преокупираат вашите мисли, нема ништо лошо во правењето грешки.

Кога бесот врие, мислете на последиците

Кога сте лути, добро размислете за последиците на зборовите што ќе ги изговорите или делата што ќе ги направите. Обидете се да бидете смирени во негативни ситуации.

Менувајте го патот, но никогаш не се откажувајте од целта

Ако е очигледно дека не можете да ги постигнете целите, не ги прилагодувајте целите, прилагодете ги акциите. Не го сметајте неуспехот за опција, туку прилагодете го патот на новонастанатата ситуација и полека движете се кон целта.

И лошиот човек е добар пример, бидејќи од него може да научите како не треба

Секое познанство во животот е драгоцено. Ако некој не излегол фер кон вас, ве научил важна лекција како не треба да се однесувате. Секој живот е приказна исполнета со лекции што треба да се научат.

Се’ или ништо

Што и да правите во животот, правете го со цело срце. Што и да правите, правете го тоа во целост или воопшто не го почнувајте. За да успеете во животот, од вас ќе се бара да го дадете својот максимум.