Неколку совети за полесно пролетно чистење на вашата гардероба

За многу луѓе, најболниот дел од ова чистење е преуредување на плакарите и сортирање облека. Но, со промена на температурата, се менува и нашиот начин на облекување и веќе нема да ни требаат одредени парчиња облека до следната зима. Поради сето ова, сортирањето е составен дел од пролетното чистење. Бидејќи оваа работа е тешка за многумина, подолу ви донесуваме неколку трикови кои ќе ви помогнат да го направите тоа.

Поместете ја сезонската облека

За да добиете повеќе простор и можности за организација, ослободете се од облеката што повеќе нема да ви треба. Отстранете ги топлите палта и зимските јакни од плакарот и ставете ги на безбедно и суво место. Ако немате дополнителен плакар, можете да користите кутии или торби за чување облека.

Следете ги правилата од една година

Некои парчиња се безвременски, но некои ги чуваме иако сме свесни дека повеќе нема да ги носиме. За некои луѓе, особено е тешко да се ослободат од облеката, особено од оние парчиња што беа скапи. Во тој случај, држете се до едногодишното правило што вели дека ако не сте носеле парче една година, нема да го носите во времето што следи. Исто така, ако ви е тешко да фрлите нешто скапо, дајте му на личност за која сте сигурни дека ќе носат и дадете ѝ нов живот на некоја облека.

Организирајте

Ако вашиот плакар многу бргу станува неуреден, веројатно е дека имате потреба од подобра организација. Ова може да го постигнете со купување организатори за облека со кои целосно ќе ја искористите гардеробата и секогаш да знаете каде се сите ваши работи.

Одлучете кому ќе донирате

Пред да започнете со сортирање облека, подгответе една кутија во која ќе ги ставите сите работи што повеќе не ви требаат и побарајте ја личноста или организацијата на која ќе ѝ ги донирате овие работи. На овој начин ќе направите добро дело и ќе ослободите простор во плакарот.

Прочитајте и: Полевајте ја орхидејата со ова наместо со вода: Ќе цути без престан!

ФОТО: Getty Images